Asmara Inyiak Balang (Episode 17-3): Cimburu Nan Salah Biliak

By bahri 14 Sep 2020, 07:02:22 WIB Cerber Adjo Flamboyan
Asmara Inyiak Balang (Episode 17-3): Cimburu Nan Salah Biliak

Kama tajago dari laloknyo. Baannyo taraso masih angek dek kagataan. Kuriak mancaliak pamandangn rancak tu sakali lai. Kaduo paho Kama mambukak lebar. Kuriak indakmabuang kasampatan nan kaduo. Langsuang nyo tunaikan tugeh nan kaduo nan labiah seru. Kini Kama manyarang kuriak jo sarangan pamain sipak bola Ronaldo nan lincah mamainkan kakinyo manggiriang bola. Tarajangan kaki si Kama sabana samo jo Ronaldo, manyipak suok kida mambaleh gocekan pamain gelandangan si Kuriak. Lamo juo parmainan ronde kaduo tu. Parmainan salasai dan kaduo pemain gelandangan tu talalok papayahan.

 

Jam anam sore Kama baliak pulang ka Kandang Ampek. Inya indak paduli lai jo mangkus indaknyo gasiang tangkurak si Kuriak. Bendungan napasu Kama nan salamoko tabanduang alah jebol dek di cangkue si Kuraik. Kama maraso pueh dek Kuriak sabana jantan malayaninyo.

Baca Lainnya :

Tabayang tarus angok si Kuraik maambus-ambus kasanangan co kureta mandaki Singgalang Kariang. Tapaso Kama manggalinjang gali-gali sanang minta ditaruskan.

“Tarus kun sanang di ambo”, parau suaro Kama kagalian.

“Iyo uni, tahan kureta sadang karajo kareh mandaki pandakian Singgalang Kariang go ha”, basitungkin si Kuriak. Kaki Kuriak manarajang mamasuakkan batu baro ka dalam kapundan kareta. Si Kama indak amuh katinggalan, sambie malacuikkan tangan nyo mintak tarus kareta tu mandaki labiha kuaik. “Taruuus kun”, Kama indak paduli lai angok si Kuriak nan baun bangkai tu, kini tabaun co minyak kasturi dek napasu alah sampai ka puncaknyo. Tabaliak baliak incat mato kaduonyo.

 

Suda kajadian itu, Kama bajanji baliak dalam hatinyo ka maulang tandiang sipak bola jo si Kuriak. Tujuan ka baputakan gasiang tangkurak barubah jadi kunjungan asmara gelap.

 

Salasai kunjungan nan katigo nan lah tiok bulan inyo ka Mudiak Padang, Kama manyampaikan bahaso datang bulannyo talambek. Kuriak takajuik, Kama disuruah minum aie siriah campue daun sicerek untuak piluruah supayo jan jadi anak parbuatannyo tu.

Supayo capek turun, si Kama disuruah minum tigo kali sahari, bacampue jo abuih pinang sinawa.

 

Sampai di rumahnyo di Kandang Ampek, tajadilah malapetaka. Paruih Kama mamiuah sajadinyo. Paruiknyo sabana mamilin. Kama lari katapi batang aie, untuak mangaluakan isi paruiknyo.

 

Darah bagumpal indak baranti kalua dari lubang faraj Kama. Kama baliak karumah. Mancubo lalok dek badannyo lamah kalua darah banyak bana indak amuh baranti.

 

Manjalang mugharik, akhienyo Kama maningga kahabisan darah. Badannyo putiah batambah putiah dek pucek kahilangan darah

 

Amaknyo manggauang gadang dek ditiggakan Kama.

 

“Kama, jan ditinggakan amak”, rauang gaek tu. Ibo awak jo nasib si Kama. Jadi korban salah ubek. Sakali lai gasiang tangkurak dukun cabul si Kuriak mamakan korban.

 

Malapetaka indak datang dari Allah, tapi dek ulah manusia. Kama nan salah jalan, baniaik ka mambaleh sakik hatinyo dek kacewa gaek Nuh indak jadi lakinyo, baniaik ka maniayo Rumi dek sakik hati. Padohal Rumi indak ado salah apo-apo ka si Kama.

Tuhan indak maijinkan surang anak manusia nan indak basalah ka manungguang akibaik ka di aniayo.

Parlindungan dibarikan ka Rumi. Kama manamui ajalnyo jo caro nan manyadiahkan. Maniayo diri sandiri. Kama mati kahabisan darah dek dipaso babuek doso dek si Kuriak dukun kaleren. 




Write a Facebook Comment

Tuliskan Komentar anda dari account Facebook

View all comments

Write a comment