Asmara Inyiak Balang (Episode 17-2): Cimburu Nan Salah Biliak

By bahri 21 Agu 2020, 07:12:42 WIB Cerber Adjo Flamboyan
Asmara Inyiak Balang (Episode 17-2): Cimburu Nan Salah Biliak

Karuik mancilalak matonyo mancaliak badan si Kama nan mangka dan wajah semok nan sanyum manjo. Karuik mambereskan kain saruangnyo nan mulai indak beres taraso. Ko go nyo mah, den bereskan gau piak kamek, gumam Karuik dalam hati. “Basobok lawan ang kini yuang”, bisiak Karuik ka paja ketek tu.

 

“Masuaklah ni, duduak disampiang awak. Aaa nan bisa awak tolong uni go, muncung Karuik mandakek ka pipi si Kama nan alah duduak dakek dukun cabul si Karuik. Baun muncuang si Karuik nan angik baun maik, mambuek maloyor paruik Kama. Sabananyo Kama indak amuh baubek ka dukun Karuik ko doh, tapi sakik hati ka si Rumi musti dibalehkan. Nekat Kama ka manggasiang tangkurak Rumi, di bantu dukun Karuik. Ditahan sen paruik nan saraso ka muntah dek si Kama.

Baca Lainnya :

 

“Baiko mah kun”, dicaritokan dek Kama mukasudnyo datang baubek.

 

“Beres tu mah ni, asa lai amuh uni maikuiki syarat wajibnyo. Baa kiri-kiro. Syaratnyo barek-barek ringan mah”, kecat si karuik nan mulai ka mamainkan aka bulusnyo. Karuik sabana ingin ka maaehkan saleronyo nan alah lamo indak tapuehkan, Kini ado datang umpan, harus langsuang di makan, bisiak hati Karuik.

 

“Ambo baie syaraiknyo nyo tu kun, indak usah ragu. Pokonyo sakik hati awak ko musti babaleh ka paja tu”, kecat Kama.

 

“Indak soal bayienyo doh Ni”.

“Aa tu syaraiknyo kun, amb alah siap manarimonyo”, jawek Kama.

 

“Jadihlah, Karuik mambisiakkan syaraiknyo ka si Kama”.

 

“Barek na mah kun syaraiknyo tun ha”, Kama takajuik juo sasudah dibisiakkan Karuik supayo Kama harus dibaruik badannyo jo kasiak tujuah gunung ka saluruh badan. Kama harus lalok talantang bukak baju sambie dibaruik baannyo dek si Karuik.

 

“Indak baa doh, kalo uni indak bisa, iyolah indak jadi ambo ubekkan gasiang tangkurak ko”, kecat si Karuik.

 

Kama bapikie. Aka sehatnyo kalah dek dandam ka Rumi. Alhienyo Kama mamutuihkan marelakan badannyo di obok-obok si Karuik, asa dandam asmaranyo tapuehkan.

 

“Jadih kun, ambo basadio baubek ntun. Tasrah dek dukunlah baa ka caronyo dandam ambo bisa tablehkan”.

 

“Beres tu mah uni, beko ambo imbau si Pirik datang mambaok jumbalang kubue. Diputakan gasiang tu beko”, kecek si Karuik sambie manunjuak ka gasiang dari tangkurak dan baiikek jo banang tujuah ragam.

“Amak wak baa caronyo kun, kama nyo kapai, beko di caliknyo awak batilanjang dukun uruik, kalimpasiangan amak beko ndak mintak lho bauruik, baa caronyo”.

“Alah kito lalokkan amak beko”, Karuik maambiak ramuan di dapue, mangocok jo aie angek. Ko suruah minumlah ka amak, suruah sen lalok di suduik tu ha”.

 

Kama maambiak aie di galeh tu. Diagihkan ka amaknyo nan manunggu dilua pondok. “Amak lalok se didalam kalo takantuak, kecat dukun, minumlah aie ko ha”. “Iyo wakdem takantuak mah”, amak maminum habih aie tu. Santa nyo alah mamiciang mato gaek tu. Laloklah amak didalam.

 

“Wak mulai lai, bukaklah baju uni, ambo tunggu di sumue di balakang. Ambo siapkan dulu ubek-ubek nan paralu dih, gumam Karuik jo sanyum panuah kamanangan”.

 

Kama tanpa malu-malu mambukak bajunyo. Amak alah bakaruah lalok disuduik sasudah makan ubek lalok nan diagih dukun kaparaik si Karuik.

Kama mambaluik badannyo jo kain saruang, didalam badannyo alah talanjang bulek, indak mamakai pakaian dalam, sabagai syaraik pangobatan gasiang tangkurak dukun cabul si Karuik. Karuik datang dari sumue mambaok saunjuik kasiak tujuah muaro nan alah disiapkannyo. Sabananyo hanyo kasiak Batang Anai sajo dipiliahnyo nan putiah dan dijamue bia kariang. Kama disuruah masuk ka biliak kumuah nan baun kumayan. Asok kumayan dibakanyo agak banyak bia babaun co di tapi kuburan.

 

“Bukaklah baju uni, tilantang se di ateh dipan tu ha”, kecat si Karuik. Kama malu-malu lalok manilantang. Tangan suok Kama manutuik paragaiknyo nan salomoko diondokkanno bana. Kini ka dicalikkan ka si Karuik dukun kalera tu. Iyo sabana mandongkol hati si Kama. Tangan suok manutuik paragaik nan diateh mambusuang samparono.

 

Karuik datang mandakek. Sarawa kotok Karuik nan alah kuniang dek jarang bacuci, mambusuang di muko salangkangannyo, mancalik tubuh putiah si Kama.

Kama manutuik matonyo manunggu apo nan katajadi. Karuik mulai mambalue badan Kama, mulai dari ateh pusek dan paruik Kama nan masih kancang karani alun pernah buntiang lai. Masih co paruik anak gadih nan rampiang.  Taruih kateh ka dado Kama. Darah Karuik badabok dabok dek mambaruik gunuang nan ketek padek punyo Kama. Lamo diuruiknyo dado tu, lambek-lambek puncak bukik nan unciang tu di pilin-[iln dek Karuik. “Lai taraso di uni ndak, disiko tamek masuak si Pirik go mah, gali-gali sanang dek si Pirik suko bana jo iko”, tanyo si Karuik mulai angoknyo agak bakaruah dek napasu alah mulai naiak ka ubun-ubunnyo

 

“Mmmm, gali mah kun”, Kama juo maulai parau suaronyo dek marasokan badannyo mulai mariang kagalian.

 

“Itu tandonyo si Pirik alah syetan kubue tu alah datang mah”, tanang selah uni.

 

“Mmmm”, hanyo itu jawaban Kama nan mulai maraso supayo gunuangnyo dirameh dek dukun kaleren tu.

 

Lambek-lambek tangan gata si Kuriak turun ka salo pangka paho si Kama. Kama marasokan gali luar biaso. Kama mamacik tangan si Kuriak maansuekan ka salo bukik nan basamak jarang rumpuik sauik hitam pirang. Kuriak mambaruik samak tu mancari sumue nan alah mulai baraie dek kalua dari mato aie didalam lubuaknyo.

Kuriak indak tahan lai. Nyo naiak kateh badan si Kama, dan langsuang barang tu otomatis manjalankan tugehnyo jo irama pacu kudo nan kancang. Kama malanguah kasanangan, badan si Kuriak ditariknyo marapek ka badannyo. Indak lamo kalua aie mancue dari pincuran kiramaik si Kuriak. Kuriak manggaloro angoknyo, baun maik nan alah busuak tigo hari indak bakubue.

 

Kuriak mangguliang ka sampiang manyalasaikan partandingan saronde tu. Pueh bana rasonyo mancubo badan si Kama nan masih mangka tu.

 

Kuriak manutuik badan Kama jo kain saruang. Kama nan talalok dek kapayahan batempur jo si Kuriak indak paduli lai.

“Gasiang tangkurak, datanglah waang jumbalang kubue, baok pasan si Kama ka haji Nuh. Pasan nan mangkus untuak mausie si Rumi dari sisi gaek. Ngiiiing...nguuung...wiiiing...gasiang tangkurak baputa kancang di tangan dukun cabul Kuriak nan alah mamakan kroban si Kama jando nan kahausan.




Write a Facebook Comment

Tuliskan Komentar anda dari account Facebook

View all comments

Write a comment